ဒေနိန့် ကာလ ပြည်ထောင်စုမြန်မာနိုင်ငံလို့  နာမေပီးထားရေ နယ်မြီဒေသမှာ သဘာဝအရ လူမျိုးပေါင်းစုံနိန်ထိုင်နိန်
ကတ်တေ။ ဒုတိယကမ္ဘာစစ်ပြီးလို့  အင်္ဂလိပ်ဘားက လွတ်လပ်ရေးယူကတ်တေ အချိန်မှာ လူမျိုးတိအခွင့်အရေး၊
တန်းတူရေးနန့် အမျိုးသားကိုယ်ပိုင်ပြဌါန်းခွင့်အပြည့်အ၀ဟိရေ သွီးစစ်တေဖယ်ဒရယ် လူထုနိုင်ငံထူထောင်ဖို့ 
အားလုံးကသဘောတူခကတ်တေ။ အဂုပိုင်သဘောတူညီမှုနန့်  အုတ်မြစ်ချခလို့  ဒေနိုင်ငံစွာ အဂုလက်ဟိဧရိယာ
အကျယ်အ၀န်းနန့်  တိုင်းပြည်သစ်အဖြစ် ကမ္ဘာ့မျက်နှာစာထက်မှာပေါ်ပါလတ်တေ။ ယေကေလေ့ ဗမာက လူမျိုးတိ
အခွင့်အရေးကိုလက်မခံ၊ တန်းတူရေးကိုဆန့် ကျင်၊ တရားမျှတမှုကို မျက်ကွယ်ပြု၊ ငြိမ်းချမ်းရေးကို ကျောခိုင်းပြီးကေ
အများသဘောတူချူပ်ဆိုထားခရေ ကတိက၀တ်စာချူပ်စာတမ်းကို ချိုးဖောက်ပနာ လူစိတ်ပျောက် တေလမ်းကို
ရွီးချယ်ခရေ။ ဗမာတိ၏ကျိုင်းမြောင်းရေစိတ်နန့် နိုင်ငံရေးသစ္စာဖောက်မှုကြောင့် ပြည်တွင်းစစ်မီးတောက် ပါလတ်စွာ
အဂုထက်ထိ မငြိမ်းသတ်နိုင်သိမ့်ပါ။ အနာသိကေ ဆီးဟိရေ။ ပြဿနာ၏ရင်းမြစ်ကို ခွဲခြမ်းစိတ်ဖြာကြည့်နိုင်ခြင်းရေ ပြဿနာ၏တ၀က်ကို ဖြေရှင်းပြီး သား
ဖြစ်နိန်ရေ လို့ ပြောကတ်တေ ဆိုရိုးစကားပိုင် ဒေနိန့် ကာလ မြန်မာနိုင်ငံ၏အဓိကနိုင်ငံရေးပြဿနာကို လေ့လာကြည့်ရဖို
့ဆိုကေ ဗမာတိက လူမျိုးတိအခွင့်အရေးကို ငြင်းပယ်နိန်ကတ်ခြင်းပင် ဖြစ်တေ။ အေပိုင် ငြင်းပယ်နိန်လို့  ယင်းသူရို့ ပါ လူ့ 
အခွင့်အရေးဆုံးရှုံးနိန်ကတ်ရရေ။
လူမျိုးတိအခွင့်အရေး (Peoples’ Rights) နန့်  လူ့ အခွင့်အရေး (Human Rights) ဇာပိုင်ကွာခြားလေဆိုစွာကို
ပတ်ဝန်းကျင်သုံးစကားနန့်  အရှင်းဆုံးဥပမာပီးရဖို့ ဆိုကေ ရန်ကုန်မှာနိန်ရေလူတိ မီးရဟိရေး၊ ရီရဟိရေး၊ ကုန်ဈီးနှုန်း
ကျဆင်းရေး စရေတောင်းဆိုမှုတိစွာ နိုင်ငံသားအခြီခံလူ့ အခွင့်အရေးတိဖြစ်ပြီးကေ လူမျိုးတိတခြားလူမျိုး ဘားမှာ
ကိုလိုနီပြုဂုတ်သွီးစုပ်ခံနိန်ရခြင်းက လွတ်မြောက်ဖို့  ကိုယ့်ကံကြမ္မာကိုယ်ဖန်တီးပိုင်ခွင့်ရေ လူမျိုးတိ အခွင့် အရေး ဖြစ်တေ။
လူ့ အခွင့်အရေးစွာ နှစ်ဆယ့်တစ်ရာစု၏နိုင်ငံတကာဥပဒေတခုဖြစ်တေပိုင် အဆုံးမသတ်နိုင်ရေ ဖြစ်စိုဉ်တခုလေ့ဖြစ်တေ။
တိုးတက်တေ အမေရိကနန့် အနောက်ဥရောပတိုင်းပြည်တိမှာတောင် လူ့ အခွင့်အရေးစွာ ပြီးပြည့်စုံလားခြင်းမဟိသိမ့်ပါ။
မြစ်တစ်စင်းပိုင်စီးဆင်းလားနိန်ပါသိမ့်ရေ။
၈၈ နှောင်းပိုင်းကာလမှာ ဗမာအများစုက လူ့ အခွင့်အရေးဆိုရေ စကားကို ကျကျယ်လလောင်ပြောလာကတ်တေ။
ယေကေလေ့ မြန်မာနိုင်ငံနိုင်ငံရေးပြဿနာ၏အဓိကအဖြေဖြစ်တေ လူမျိုးတိအခွင့်အရေးကိုကျကေ မိန့်  ထားကတ် တေ။
ယင်းအတွက်နန့်  အိုးခေါင်မိုးပေါက်နိန်စွာကို ကြမ်းလားဖာပိုင်ဖြစ်နိန်လို့  နိုင်ငံရေးပြဿနာကို အေနိန့် 
ကာလထိအဖြေမထုတ်နိုင်ကတ်သိမ့်ပါ။
ပိုဆိုးနိန်စွာက အန်ဂျီအိုနိုင်ငံရေးနန့် စတိတ်မန့် နိုင်ငံရေးကို ဗမာဝါဒီနိုင်ငံရေးသမားတိက မဟာဗျူဟာကျကျ
လမ်းကြောင်းချပီးထားပနာ အကြံအဖန်လုပ်ဇာတ်ခင်းနိန်လို့  ဒီမိုကရေစီလမ်းကြောင်းကြီးတခုလုံး ဦးတည်ချက်
ပျောက်နိန်ရရေ။ ဒေပိုင် အနာတခြား ဆီးတခြားလမ်းလွဲမှုကြောင့် ဒီမိုကရေစီအသွင်ကူးပြောင်းရေးစွာ နှစ်ပေါင်း
နှစ်ဆယ်အလကား ဆားမရရီမရ ကုန်လားခပြီးကေ တဖက်မှာ ဗမာစစ်အုပ်စုက ပိုလို့ ခိုင်မာပါလတ်တေ။
သီနတ်ချေတချက်မဖောက်ပဲ ကျည်ဆံချေတတောင့်မသုံးပဲ နှစ်ပေါင်းငါးဆယ်ကျော်သက်ဆိုးရှည်လာရေ
စစ်အာဏာသျှင်စနစ်ကိုဖယ်ရှားဖို့ ဆိုစွာ စိတ်ကူးယိုင်မှုသက်သက်ရာ ဖြစ်နိန်လီဖို့ ။
ဗမာအများစုက ဒီမိုကရေစီဆိုရေ စကားလုံးကိုအသုံးချပနာ ဗမာကိုလိုနီစနစ်ကိုတည်ဆောက်လားနိန်လို့ ပင် ဖြစ်လို့ 
သေချာနိန်စွာတခုက မြန်မာနိုင်ငံ၏နိုင်ငံရေးပြဿနာကို ဗမာရှုထောင့်အမြင်တခုတည်းနန့် ဖြေရှင်းလို့ တခါလေ့ ရလီဖို့ 
မဟုတ်။
လူမျိုးတိ၏အခွင့်အရေးကို ရှိတန်းတင်ပနာ ဗမာစစ်ကိုလိုနီပဒေသရာဇ်စနစ်ဆိုး အဆုံးသတ်ရေးကို ဦးတည်ပနာ
လားခါမှရာ နောင်တချိန်မှာ လွတ်လပ်တေနိုင်ငံရေးအခင်းအကျင်းသစ်ကို မြင်တွိလာနိုင်ပါဖို့ ။