အဖွဲ့အစည်းတစ်ခုနင့်တစ်ခုအကြား၊လူတစ်ဦးနင့်တစ်ဦးအကြား၊အုပ်စုတစ်ခုနင့် တစ်ခုအကြား၊ တရားမျှတရေ သဘောတူညီချက်(သို့) အပီးအယူဆွေးနွေးချက် နင့် လုပ်ကိုင်စော်တိကို ဖြစ်စီ။အထက်လူကြီးနင့် အောက်ငယ်သား တာဝန်ကိုယ်စီနင့် ညီမျှစွာ လုပ်ကိုင်ရင်းအပြန်အလှန်ဆွေးနွေးသဘောတူညီမှုကိုဖြစ်စီ။နားလည်မှုဆိုစော် အားလုံးသိဂတ်တေ အတိုင်းပါ
အိမ်ထောင်ရီးအတွင်း လင်နင့် မယား အကြားတစ်ဦးနင့် တစ်ဦး ကြင်နာစွာ ခွင့်လွတ်သည်းခံခြင်းတိကိုဖြစ်စီ။
သဘောတူညီစွာရွီးဆွေးထားရေ (သို့)နားလည်ထားရေ အရာတိကို နားလည်မှုလို့ခေါ်ရေ။
ယင်းပိုင်ဆိုကေ ယင်းချင့်တိပျက်ပြားကေ၊လွဲမှားစော် နားလည်လားကေ၊တစ်ဦးနင့်တစ်ဦးအကြား တရားမျှတရေ ဆွေးနွေးအတည်ပြုချက်တိမဟိကေ၊အပီးအယူမဟိကေ၊လင်နင့်မယားအကြား ကြင်နာစွာ ခွင့်လွတ်သည်းခံမှုမဟိကေ၊ယင်ချင့်တိအားလုံးစော် နားလည်မှုပျက်ပြားစော် မဟုတ်ပါလား?
ယင်းနင့်လို့ တစ်ဦးနင့် တစ်ဦးအကြား၊ အဖွဲ့အစည်းတစ်ခုနင့်တစ်ခုအကြား၊ရွာတစ်ရွာနင့်တစ်ရွာအကြား၊မြို့/နိုင်ငံတစ်နိုင်ငံနင့်တစ်နိုင်ငံအကြား၊ငြိမ်းချမ်းရေအဖြေရှာမှုနင့် ဆွေးနွေးအတည်ပြုပြဌာန်ထားရဖို့(သို့)နားလည်မှု့ယူထားရဖို့လိုအပ်ပါရေ၊ တစ်ယောက်နင့်တစ်ယောက်အကြား နားလည်ပီးမှုတိမရှိကေ ကွဲပြားခြားနားရေ သဏ္ဍာန်ကို ဆောင်ပနာမကိုက်ညီစော်တိဖြစ်လာဂတ်တေမဟုတ်ပါလား? ယင်းနင့်လို့ ယင်းကွဲပြားမှုတိ အဖြစ်ရအောင် ကျနော်အကြံပြုချင်စော်က
၁။ ဆွေးနွေးမှုပြုလုပ်ပါ။
၂။ဆွေနွေးမှုကိုတစ်လတစ်ကြိမ်ထက်မနည်းပြုလုပ်ပါ။
၃။နားလည်မှုရယူပါ။(သို့)အချော့အတင်းပြုလုပ်ပါ။
၎။အခြေအနေကိုကြည့်ဗျာလ်ဥပဒေထားရှိပါ။
၅။လိုက်လျှော့ညီထွေစော်နီထိုင်ပါ။
၆။ကိုယ်ကျင့်တရားကောင်းမွန်စော်နီထိုင်ပါ။
၇။ပြဿနာဖြစ်ပေါ်လာပါက ငြိမ်းအီးစီရေ အဖြေကိုရှာဖွီပါ။
၈။လိုအပ်ပါက ပညာရှင်အဆင့်ရှိပုဂ္ဂိုလ်တိကိုဖိတ်ခေါ်အကြံပြုချက် တောင်းခံပါ။
ယင်းချင့်တိနင့် ပြည့်စုံကေ(သို့)ယင်းပိုင်သဘောတူညီချက်တိလုပ်ထားကေ သင့်အဖွဲ့အစည်း၊ပတ်ဝန်းကျန်၊
မိသားစု၊အသိုင်းအဝိုင်းတိစော် နားလည်ငြိမ်းအီးကေ အသိုင်းအဝိုင်းတိဖြစ်လာဖို့စော်သေချာပါရေလို့ပြောယင်း ကျနော့အတွီးစချေတိကို တင်ပြလိုက်ပါရေ
အလိုက်သင့်ရေပိုင်ရွီးသားလားဖို့ ဖြစ်ပါရေ။
CMU
မောင်ဝဏ္ဏ(အောင်မြီ)