သတိုးအောင်လေ
နတ်မောင်ယောင်္ကျား
ကေသလာလေ
ကြပ်စင်ကျွန်းမှာ
မွီးလို့ ဖွားရေ။
သကြားမြီးဖြူ
စိတ်လည်းတူ
မယူမြီးချစ်
ရွှီကျောင်းတော်မှာ
အလိုလိုက်ကေ
ပန်းမုနိ မြအောင်
ဘောင်မချစ်ကေ
သတိုးအောင်လေ
နတ်မောင်ယောက်ျား
ရွက်အုပ်မြညို
ဖါးပြိုကျွန်းမှာ
မွီးစပ်ထားရေ။
ကြီးသျှင်တောင်
ရာမောင်နတ်ကား
ရင်နီု့ မတိုက်
လွမ်းလို့ ကြင်ကေ
ဘောင်သျှင်မမှာ
လက်နို့ တိုက်တေ။
လက်သန်းလက်ကြွယ်
လက်စမ္ပယ်
လက်လယ်မကြွင်း
မြီးလှမောင်လေ
ဒိုးအောင်စို့ ကေ
လက်နို့ ထွက်တေ။
ရွက်ရိပ်ခို
ဖားပြိုကျွန်းမှာ
မွီးစပ်တေ။
တဝင်းဝင်းကေ
ပလို့ လာကေ
စန္ဒာလမင်း
ထက်ကောင်းခင်မှာ
ရာဟုကင်း
အလင်းလည်းရောက်
မြီးလှမောင်လေ
ဒိုးအောင်နတ်ကို
ကျောင်းကိုရောက်ဖို့ 
မြကြိုးသွယ်
စိန်ပုခက်မှာ
အိပ်ပါမြီးချေ
ကြီးသျှင်တောင်
ရာမောင်မမှာ
မြီးချောရေ။
ထိုင်တတ်ကေရာ တွားတတ်
တန်းကိုင်တတ်
ရပ်တတ်ဖြစ်ယာ
မြီးလှမောင်လေ
ဒိုးအောင်ကိုကား
ရွှီစမ္ပယ်
မိယေမှာကား
တောတန်းဆိုကေ
ထိုသည်ကျွန်းမျာ
ဝါးတန်းလည်းတင်
တောတန်းခွင်
ရင်သည်ရပ်မှာ
အလားသင်ရေ။
ထိုင်တတ် တွားတတ်
တန်းကိုင်တတ်ကေ
ရပ်တပ်ဖြစ်ယာ
ဘောင်မမောင်လေ
ဒိုးအောင်မှာကား
လားတတ်ပျာ။
ဒိုးအောင်ဂျင်ပေါက်
အရွယ်ရောက်
ကြီးမြောက်လီခါ
သုံးလှိုင်ဆို
ဝါဆိုကျောင်းမှာ
ကျောင်းထားရေ။
သင်လို သင်ပါ
သုံးလှိုင်ဆိုကေ
ဝါဆိုကျောင်းမှာ
နမောဗုဒ္ဓာယ
အယင်ပြ
သုံးဆယ့်သုံးလုံး
သုံးသင်ပုန်း
တလုံးမကျန်
ဇေတဝန်လေ
မြတ်မွန်ကျောင်းမှာ
စာအံရေ။
ဒိုးထိုးသံနန့် 
ဂျင်ပေါက်သံလေ
ညံသံမစဲ
သုံးလှိုင်ဆိုကေ
ဝါဆိုကျောင်းမှာ
မဒီးမောင်လေ
ဒိုးအောင်ထွက်ကေ
တသဲသဲ။
ကျိန်းတောင် ခြီရင်း
မောင်ရို့ ထွက်ခါ
အံတလင်း။
ကျိန်းတောင်ခြီရင်း
မောင်ရို့ ထွက်ခါ
ကြက်တလင်း။
ကြက်ဖက်ပါးနီ
စွန်သဲခြီ
ခွပ်လီကြက်ဖ
ရွှီပြောင်ပြောင်ကေ
ကျိန်းတောင်အောက်မှာ
တန်းထက်က။
တန်းအောက်မတွန်
တန်းထက်တွန်
ဒိုးအောင်ကြက်ဖ
ရွှီပြောင်ပြောင်လေ
ကျိန်းတရိုးမှာ
တည်တိုင်းရ။
မြင်းမအီ ခွါတောင်
ဒေါင်းခံထဲမှာ
လာပါမောင်
လှအောင်စာလေ
တကောင်ခွါဖြူ
မဒီးမောင်လေ
ဒိုးအောင်မောင်လေ
လှအောင်ဆင်ယေ
ယယိုင်ပပါး
ဘောင်မမောင်လေ
မြင်းနန့် လားဖို့ 
ဖိုးခေါင် ဖိုးခေါင်
ဖိုးခေါင်ကြိမ်လုံး
အဖျားချေမှာ
ရွှီခြည်ထုံးကေ
ကြိမ်လုံးကိုထောက်
ဘောင်မမောင်လေ
ဒိုးအောင်နတ်မှာ
မြင်းကိုငေါက်တေ။
ကြိမ်လုံးကိုကိုင်
မြင်းမှာထိုင်
ယယိုင်ပပါး
ချစ်တေမောင်လေ
ဝတီနန်းမှာ
ပန်းကပ်လားဖို့ 
သိုင်းကိုမကျော်
မြီကိုမနင်း
ပန်းဆက်ညာကို
မြီနန် နင်းကေ
နတ်မင်းကျော်ခေါင်
ဘောင်မချစ်လို
သတိုးအောင်လေ
နတ်မောင်မှာကား
ကျိန်းတောင်ကျော်လမ်း
ကြပ်ရိုးပင်မှာ
သဇင်ပန်းကို
လက်လှမ်းဆွတ်ကာ
ကြီးဆင်းတောင်လေ
ရာမောင်နတ်နန်း
လှကျွန်းသူလေ
မိဖြူဥိးကို
ရွှီစမ္ပယ်လေ
ဘောင်သျှင်မကို
ပန်းဆက်တေ။ ။