ရခိုင့်သမိုင်းမာ မိန့်လို့ မရရေ နိန့်ရက်တိ ထဲမာ အပါအဝင်ဖြစ်တေ ၂၀၁၁ခုနှိုက်၊သြဂုတ်လ(၁၃)ရက်နိန့်သည် ငတ်မွတ်မှုဒဏ်ကိုခံနိန်ရရေ ရခိုင်ပြေသူလူထု(၂၀၀)
ကျော်ရန်သူ ဗမာနယ်ချဲ့တိ၏ ရက်စက်စွာဖြိုခွင်းသတ်ဖြတ်ခြင်းကိုခံခရသည့် ၄၄)နှိုက်မြောက် စစ်တွေ ဆန် အရေး တော် ပုံနိန့်ဖြိုက်ပြီးကေ၊ သြဂုတ်လ(၁၄)ရက်နိန့်သည်ကား ရခိုင်ဒီမိုကရေစီ အဖွဲ့ချုပ်နာယက၊ ရခိုင်သမိုင်း သု တေ သီ ပညာသျှင်၊ ရခိုင်-မြန်မာပဏ္ဍိတ်ဆရာကြီး ဥူးဥူးသာထွန်း အဆိပ်ခတ် လုပ် ကြံခံ ရသည့် ။ (၂၁) နှိုက်မြောက် နိန့် ဖြိုက်ဖြစ်ပါရေ။

ယင်းနိန့်တိကို အောက်မိနီစော်ကလေ့ ရခိုင့်ရို့၏ဇာတိသွီးကိုပြစော်က တစ်ကြောင်း၊ မပြီးပြတ်သိရေ ရခိုင့်ရို့၏ ဗမာ့(မြန်မာ)ကျွန်ပုန်းကိုလိုနီဘဝက လွတ်မြောက်ဖို့ ကြိုးစားဂတ်ယင်း အားဆီးအဖြစ်အသုံးပြုစော်က တစ်ဖုံ၊ မျိုးဆက်သစ် ရခိုင့်သူငယ်ချေတိ မျိုးချစ်စိတ်ဖြစ်ပေါ်လာဖို့ အင်အားဖြစ်စော်က တစ်ဖုံ ယင်းပိုင် အကြောင်းအမျိုးမျိုး အကျိုးရလာဒ် အမျိုးမျိုးတိကို အကောင်အထည်ဖေါ်ယင်း ရခိုင်ပြည်၊ ဗမာပြည်ရန်ကုန်၊ အမေရိကန်၊ဂျပန်၊ကနေဒါ၊မလေးရှား၊ထိုင်းနိုင်ငံ မဲဆောက် ချင်းမိုင် ဘန်ကောက်၊ အစဟိရေ နိုင်ငံတိမာ ပြုလုပ်လားဖို့ ဖြစ်တေလို့ ကြားသိရလို့ ကျနော့်ပိုင် ရခိုင့်မျိုးဆက်သစ်တစ်ယောက်အနီနင့် အများကြီး ဝမ်းနည်းမိရေပိုင် အမိအဖတိ မအောင်မြင်ခသိရေ ပန်တိုင်ကိုလေ့ ငါလေ့တစ်ယောက် ဝင်လို့တာဝန်ထမ်းဆောင်ရဖို့လို့ အသိတရားတိကို ရင်မာပိုက်ယင်း အားလုံးအတွက် ကောင်းရာသုဂတိရောက်ပါစီနင့် ရခိုင်ပြည်နင့် မြန်မာ(ဗမာ)နိုင်ငံမာဟိရေ တိုင်းရင်းသားတိအားလုံး အဖိနှိုပ်ခံကျွန်ဘဝက လွတ်မြောက်ပါစီလို့ ဆန္ဒပြု ဆုတောင်းလိုက်ပါရေ။
မောင်မြတ်ခိုင်
ရခိုင့်နိုင်ငံတော်သား