အား!အူး!အိ!အွတ်!
ကားစီးယင်းလူတိအော်ကတ်
တရုတ်သိုင်းကားထဲက
သတ်ခန်းတိပိုင်
ရမ်းဗြဲ၊ကျောက်ဖြူ
“ကတ္တရာလမ်း”လတ်။

ကောင်းလိုက်တေလမ်း
ကျောက်ကကြမ်းလို့
ကားတိပြိုပျက်
ခရီးသယ်တိအခံရခက်တေ။

ယာ...!
လာပြန်ယာတမျိုး
မရိုးရအောင်
ကွက်ဆန်းတိပါကား။

“ထန်းသီးကြွီခိုက်
ကျီးနားဆိုက်”ဆိုရေပိုင်
လမ်းကြမ်း/ပျက်ရာမှာ
တန်းထားပြိုနိန်စွာနန့်
ကြုံရပြန်ယာကြည့်။

ယာ...!
ဖြန်ပြန်ယာတမျိုး
အမေရိကနန့်ဗီယက်နမ်
စစ်ကားတိထဲက
မှိုင်းဗုံးတိကြဲရေပိုင်မျိုး
ကားလမ်းတလျှောက်လုံး
ဖုံထထောင်ထနိန်ရေ။

ဆက်သွယ်ရေးကောင်းရေ
ရမ်းဗြဲ၊ကျောက်ဖြူကားလမ်း
“ကတ္တရာလမ်း”ကနိန်ပြီးကေ
“ကျောက်ချေလမ်း”ချေလှောက်ဒါလေ့ဖြစ်အောင်
“မာတလိ”ကိုရာခိုင်းလိုက်ပါဖိလို့
“သိကြားမင်းကြီး”ကို
ငါတိုင်တမ်းမိခရေ။

...........
မှတ်ချက်။ ။ ၀၈-၀၂-၂၀၀၄ နိန့်က မွီးရပ်မြီကျောက်ရိုးရွာကိုလာရေခါ တွိ့ကြုံရစွာကို ခံစားလို့ရေးထားလိုက်စွာပါ။