ရခိုင်နိုင်ငံရီး အကျဉ်းသား လွပ်မြောက်ရီးအတွက် ရခိုင်ပြည်လူ့  အခွင့်အရီး စောင့်ကြည့်ရီးအဖွဲ့  ( အမေရိကန် ) မှ တောင်းဆိုလိုက်ဗျန်

    Author: Unknown Genre:
    Rating

    လွန်ခရေ တော်လှန်ရီးကောင်စီ လက်ထက်- ၁၉၈၆-ခုနှစ် မင်းပြားမြို့ ကို ရခိုင်ပြည်ကွန်မြူနစ်ပါတီက ၀င်ရောက်သိမ်းပိုက်ခစွာနင့် ပါတ်သက်လို့ ယင်းအချိန်ကပင် အဖမ်းဆီး ခံထားရရေ တော်လှန်ရီးလက်နက်ကိုင် အချို့ တိ တသက်တကျွန်း နှစ်ရှည်ထောင်ဒဏ် ကျခံနီရစွာတိ ဟိပါသိရေ ။ တချို့မှာ အင်းစိန်ထောင်က လွပ်လားခဗြီးကေ ရခိုင်နိုင်ငံရီးလောကမှာ ၀င်ပနာ ဆက်လို့  နိုင်ငံရီး လှုပ်ရှားမှူတိကို လုပ်ဆောင်နီကတ်ပါဗျန်။

    မလွပ်သိရေ တော်လှန်ရီးသမားတိကိုပါ လွပ်မြောက်စီဖို့  နင့် ရခိုင်ကျောင်းသားလူငယ်အဖွဲ့့ ဝင် တိကိုပါ လွှတ်ပီးဖို့  စွာကိုပါ တောင်းဆိုယင်း ရခိုင်ပြည် လူ့  အခွင့်အရီး စောင့်ကြည့်ရီး အဖွဲ့  ( အမေရိကန် ) မှ ဒေကနိ တောင်းဆိုလိုက်ကြောင်း သိရပါရေ ။ ယင်းပိုင်တောင်းဆိုစွာမှာ ရခိုင်ပြည်လူ့ အခွင့်အရီးစောင်ကြည့်ရီးအဖွဲ့ မှ ဒါရိုက်တာ ဦးခိုင်အောင်ကျော်မှ သူ၏ညီအရင်းဖြစ်သူ ဦးမောင်သာထွန်းအား ရခိုင်နိုင်ငံရီးအကျဉ်းသားရို့ နင့် အတူတူ အမြန်ဆုံး လွှတ်ပီးရန် သမတဦးသိန်းစိန် အစိုးရကို တောင်းဆိုကြောင်းနင့် လက်ဖ၀ါးမှာ ဦးသာထွန်း၏ နာမည်ကို ရီးဗျန် လှုပ်ရှားမှု တခုကို ပြုလုပ်လိုက်ကြောင်း သိရပါရေ ။ ဒေပိုင် တောင်းဆိုရစွာနင့် ပါတ်သက်လို့  သတင်းအချက်အလက်တိကို သိရစွာမှာ သမတဦးသိန်းစိန်က ပြည်ပနိုင်ငံတိကို ရောက်ဟိနီကတ်တေ ပုဂ္ဂိုလ်တိကို ပြည်တော်ပြန်လာဖို့  ခေါ်ယူစွာနင့် ပါတ်သက်လို့  လွပ်ငြိမ်းချမ်းသာခွင့်ကို ပီးရေ သဘောမျိုးစွာနင့် ခေါ်ရေအတွက် ပြည်ပကလူတိ မလာခင် ထောင်ထဲမှာ အကျဉ်းကျခံနီရရေ ရခိုင်နိုင်ငံရီးအကျဉ်းသား အနည်းဆုံး( ၆၀ ) ဦးရေ အတွက် ယင်းလူတိကို အမြန်ဆုံး လွှတ်ပီးစီချင်ရေလို့  သိရပါရေ ။ ဦးမောင်သာထွန်းမှာ -ဘင်္ဂလားဒေ့ရှင်္နိုင်ငံ ရှိ ကမ္ဘာ့ကုလသမဂ္ဂ ဒုက္ခသည်များဆိုင်ရာ မဟာမင်းကြီး ရုံး ( UNHCR ) မှ ဒုက္ခသည်အဖြစ် အသိအမှတ်ပြုပြီးထားသူဖြစ်ပနာ မီဒီယာသမားတယောက်အဖြစ် လုပ်ကိုင်နီခသူ ဖြစ်ဗြီးကေ ၂၀၀၉-ခုနှစ်က မောင်တောမြို့ မှာ အဖမ်းဆီးခံရလို့  ထောင်ဒဏ် ( ၅ ) နှစ် ကျခံနီရစွာဖြစ်ပါရေ ။ ဦးမောင်သာထွန်းနင့် အတူတူ ရခိုင်ကျောင်းသားလူငယ်အဖွဲ့ မှ ကိုကျော်ဇေါ်ထွန်း၊ ကိုကျော်ဆန်းလှိုင်၊ ကိုဇေါ်ထွန်းဦး၊ ကိုကျော်မိုး၊ ကိုကျော်ဝင်း၊ ကိုထွန်းလင်းကျော်၊ ကိုနိုင်စိုးခေါ် မဲလုံး၊ မောင်နိုင်စိုး ၊ ကိုကျော်စံသိန်း၊ ကိုအောင်မိုးဇေါ်၊ ရို့ ကို ဒီဇင်ဘာလ-၂၉-ရက်နိက နှစ်ရှည်ထောင်ဒဏ်ချလိုက်ပြီးကေ မိသားစုတိနင့် မတွိရအောင် ၀ီးကွာရေ ထောင်တိကို ပို့ ထားလိုက်တေအတွက် သူရို့  လွပ်မြောက်ရီးကို တောင်းဆိုစွာဖြစ်ကြောင်း သတင်းကြားရပါရေ ။ အခုပိုင် ရခိုင်နိုင်ငံရီးအကျဉ်းသား လွပ်မြောက်ရီးတောင်းဆိုလိုက်စွာ ရခိုင်ပြည်လူ့ အခွင့်အရီး စောင့်ကြည့်ရီးအဖွဲ့  ( အမေရိကန် ) မှာ လွန်ခရေ -၁၉၉၉-ခုနှစ်က အိန္ဒိယနိုင်ငံ နယူးဒေလီမြို့ မှာ အခြီစိုက်လို့  ဖွဲ့့ စည်းခဗြီးကေ အခုအချိန်မှာ အမေရိကန်နိုင်ငံ နယူးယောက်မြို့  အခြီစိုက်လှုပ်ရှားရေ အဖွဲ့ ဖြစ်ကြောင်း သိရပါရေ ။ အခုပိုင်တောင်းဆိုလိုက်စွာကို သမတ ဦးသိန်းစိန်နှင့် ပြည်သူ့ လွှတ်တော်ညီလာခံ တက်နီကတ်သူတိကိုပါ ဒါရိုက်တာ ဦးခိုင်အောင်ကျော်မှ ဗွီဒီိယို ဖြင့် တိုက်ရိုက်စကားပြောပနာ မေတ္တာရပ်ခံလိုက်ကြောင်း သတင်းတိ ကြားသိရပါရေ ။

    Posted by Unknown Posted on