၁၉၈၈ ခုနှစ် စက်တင်္ဘာလ ၁၈ ရက် စစ်တပ်က အာဏာ သိမ်းတဲ့ နေ့မှာ ဒီမိုကရေစီအရေး လူပ်ရှားတက်ကြွသူ တစ်ဦးဖြစ်တဲ့ ရခိုင်ပြည်နယ် စစ်တွေမြို့က ဆရာခင်မောင်ဝင်းဟာ စစ်တပ်က ချိန်ရွယ်ပစ်ခတ်တဲ့ သေနတ် ကျည်ဆံ ထိမှန်ကာ သေဆုံးခဲ့ရပါတယ်။ ဆရာ သေဆုံးချိန်မှာ ဆရာဟာ အသက် ၃၄ နှစ်သာ ရှိသေးပြီး သုံးဆောင်ရွာ မူလတန်းကျောင်းမှာ ကျောင်းအုပ် ဆရာကြီး အဖြစ် တာဝန်ယူ ထမ်းရွက် နေတဲ့ကာလလည်း ဖြစ်ပါတယ်။ ဆရာဟာ လူချစ် လူခင်ပေါများပြီး အများ အကျိုးအတွက် ကိုယ်ကျိုးစွန့် အနစ်နာခံသူ တစ်ဦးဖြစ်တာကြောင့် စစ်အာဏာရှင်တွေက လူငါးယောက်ထက် မစုရဘူးလို့ အမိန့် ထုတ်ထားတဲ့ ကြားထဲက ဆရာ့ အသုဘကို လူတွေ သောင်းချီပြီး လိုက်ပါပို့ဆောင်ပေးခဲ့ပါတယ်။ အဲဒီနေ့က ဘယ်သူမှလည်း ကားမစီးခဲ့ဘူး။ ဆရာအလောင်းကို တယောက် တလှည့်စီ ထမ်းရင်း အာဂျိတ်တောင် သချိုင်းထိ အရောက် ပြည်သူတွေ လိုက်ပါ ပို့ဆောင်ပေးခဲ့ပါတယ်။ ဆရာ့ကိုလည်း ရှစ်ဆယ်ရှစ် သူရဲကောင်း အဖြစ် မော်ကွန်းထိုးပြီး ဆရာအတွက် ကျောက်တိုင်လေး တစ်ခုကို စိုက်ထူ ဂုဏ်ပြုခဲ့ကြပါတယ်။ ဒီကနေ့ ဆရာ ခင်မောင်ဝင်း ကျဆုံးသွားတာ ၂၃ နှစ်ရှိပါပြီ။ သူ့အကြောင်း မသိသေးတဲ့သူတွေ သိရှိအောင်နဲ့ သိပီးသား လူတွေကလည်းဆရာကို အမှတ်တရ ဖြစ်စေဖို့ ရည်ရွယ်ပြီး သူကျဆုံးသွားခဲ့တဲ့ စစ်အာဏာ သိမ်းတဲ့ နေ့မှာ သူ့အကြောင်းကို ရင်းရင်းနှီးနှီး သိရှိတဲ့ အမျိုးသားရေး နိုင်နိုင်နဲ့ တွေ့ဆုံမေးမြန်းပြီး ဖေါ်ပြ ပေးလိုက်ပါတယ်။

စစ်အာဏာရှင်တွေကို စိန်ခေါ်ပြီး ဆရာခင်မောင်ဝင်းအသုဘကို လူတွေခုလို လိုက်ပါ ပို့ဆောင်ပေးခဲ့ကြတယ်။

ဆရာကို ဂုဏ်ပြုခဲ့တဲ့ ကျောက်တိုင် ဖြူဖြူလေး။