စစ်တွေ။ ။စစ်တွေမြို့မှာသီတင်းသုံး စာသင်နိန်ကတ်တေ စာသင်သား ရဟန်းသံဃာတိကို ကျောင်းထိုင်ဆရာတော်တိက စည်းကမ်းသတ် အသစ်တိ ချမှတ်လာကြောင်း စာသင်သား ရဟန်းတော်တစ်ပါးက မိန့်ပါရေ။
“ဇာပိုင်ပြောရဖို့လဲ တကာ စည်းကမ်းအသစ်လို့ပြောရဖို့လား၊ ကျောင်းထိုင်ဆရာတော်တိကရေ စာသင်သားတိအနိန်နန့် နိုင်ငံရေးနန့် ပတ်သတ်တေကိစ္စတိကို ရှောင်ရဖို့ နောက်ပြီးကေ အဖွဲ့အစည်းတိ သင်းမဖွဲ့ရဆိုစွာတိပါရေ၊ စာရွက်နန့်ထုတ်ပြန်စွာမဟုတ် တကာ၊ သြဝါဒ ပီးခါ ထည့်ပြောစွာ”လို့ မိန့်ကြားပါရေ။
စစ်တွေမြို့ရှိ စာသင်သား ရဟန်းတော်ရို့ရေ ဆရာတော်ဦးဥတ္တမနိ အခမ်းအနားကို ဦးဆောင်ပနာ ကျင်းပခရေအတွက် ခေါင်းဆောင်တစ်ချို့် အရေးယူခံလိုက်ရပြီးနောက်ပိုင်း ကျောင်းတိကို အထက်အာဏာပိုင်တိက ဖိအားပီးလာစွာဖြိုက်တေလို့ ဆရာတော်တစ်ပါးက မိန့်ကြားပါရေ။
“ဒေလ ၂၇ရက်ရှိက စစ်တွေမြို့မှာ သံဃာတိ ဆန္ဒပြဖို့ဆိုပနာ သတင်းတိထွက်ပေါ်ခလို့ ယင်းရက်မှာ ကျောင်းထိုင် ဆရာတော်တိကို လက်မှတ်ထိုးခိုင်းရေ၊ သံဃာတိကို အပြင်ကို မလွှတ်ဖို့၊ ဆန္ဒမပြဖို့တားမြစ်ဖို့ အတွက် ၊ယင်းပိုင် အာဏာပိုင်တိလာပြောခစွာတိရှိရေ“ လို့မိန့်ပါရေ။
ပြီးခရေ ၂၇ရက်နိက စစ်တွေမြို့မှာ ရဟန်းတော်တိ ဆန္ဒပြဖို့ရှိရေ သတင်းကြောင်း စစ်တွေမြို့မှာ လုံခြုံရေးချထားစွာရေ ဒေတစ်ကြိမ် အများဆုံးဖြိုက်တေလို့ စစ်တွေမြိုခံတစ်ဦးက အဂုပိုင် ဆိုပါရေ။
“အူး ပြောရဖို့ဆိုကေ ဘုန်းကြီးတိထက်တောင် များဖို့လို့ဆိုချင်ရေ၊ ဘုရားကြီး လောကာနန္ဒာရို့မာဆိုကေ ရဲသားတိ အရပ်ဝတ်နန့်တဖုံ ရဲဝတ်စုံနန့်တစ်မျိုး ကားတိကလည်း အစီးနှစ်ဆယ် လောက်တောင်ရှိရေ မြို့ကိုပတ်နိန်စွာ“လို့ဆိုပါရေ။
စက်တင်ဘာ ၂၇ရက် မတိုင်မီက နိုင်ငံရေးတက်ကြွလှုပ်ရှားရေ ရဟန်းသံဃာ အချို့ကို အာဏာပိုင်က ဖမ်းဆီးလိုက်ပြီး မောင်တောဘက်မှာ အကျယ်ချုပ်နန့်ထားရေလို့သတင်းရရှိပါရေ။
by http://www.khineroma-new.blogspot.com/