ရခိုင်ပြည်နယ် မောင်တောမြို့နယ်မှ ကျေးရွာ တစ်ရွာတွင် ဒုတိယ ကမ္ဘာစစ် အတွင်းက လက်ကျန်ဗုံး တစ်လုံး ပေါက်ကွဲတဲ့ အတွက် လူ တစ်ဦး ဒဏ်ရာ ရရှိသွားကြောင်း သတင်းရရှိသည်။

အဆိုပါ ဗုံးမှာ ယမန်နေ့ ညနေပိုင်းက မောင်တောမြို့နယ် ဒုချရားတန်းရွာတွင် ပေါက်ကွဲခဲ့ခြင်း ဖြစ်ကြောင်း သိရသည်။

" ခြေထောက် တဘက် ပြတ်သွားတယ်လို့ သိရပါတယ်။ ဒဏ်ရာရတဲ့သူက မွတ်ဆလင် ဖြစ်တယ်။ အခု ဆေးရုံတင်ထားပါတယ်" ဟု မောင်တော ဒေသခံ တစ်ဦးက ပြောသည်။

မည်သည့် အတွက် ပေါက်ကွဲသည်ကို အသေးစိတ် မသိရသေးသော်လည်း ကလေးများ မီးဖြင့် ဆော့ကစားရာမှ ပေါက်ကွဲခြင်း ဖြစ်ကြောင်း သတင်း ဖြစ်ပေါ်နေသည်ဟု သူက ပြောသည်။

အဆိုပါ ကိစ္စနှင့် ပတ်သက်ပြီး မောင်တောရဲ စခန်းသို့ ဆက်သွယ်သော်လည်း ဖုံးအဆက်အသွယ် မရရှိခဲ့ပါ။