ဤဆောင်းပါးသည်ပေါ်တူဂီဘုန်းကြီးဆေဘက်စတီယံမန်နရိတ်(SEBASTIEN
MANRIQUE)ရေးသားသော"THE CORONATION OF KING THIRITHUD
DAMMA"ဆောင်းပါးကိုပြန်ဆိုချက်ဖြစ်သည်။မန်နရိတ်သည်(၁၃၆၀)ပြည့်နှစ်တွင်အိန္ဒိယ
မှတဆင့်ရခိုင်ပြည်သို့ရောက်ရှိလာခဲ့ပြီးမြောက်ဥရွှေမြို့တော်တွင်(၅)နှစ်တိုင်တိုင်နေထိုင်
သွားခဲ့သည်။ထိုအချိန်တွင်ရခိုင်ပြည်၌သီရိသုဓမ္မရာဇာစိုးစံနေခိုက်(၁၆၂၂-၁၆၃၈)အချိန်
ဖြစ်လေရာမန်နရိတ်သည်ရခိုင်ဘုရင်၏လက်အောက်ခံဘုရင်ငယ်(၁၂)ပါးနှင့်သီရိသုဓမ္မ
ရာဇာဘုရင်တို့၏နန်းတက်ပွဲအခမ်းအနားကို(၁၆၃၄-၃၅)မျက်ဝါးထင်ထင်မြင်တွေ့ ခဲ့ရသ
ဖြင့်နှောင်းလူတို့အတွက်မှတ်တမ်းတစ်စောင်ရေးသားခဲ့သည်။
ထိုမှတ်တမ်းအရသီရိသုဓမ္မရာဇာသည်မြောက်ဥရွှေနန်းကိုစိုးစံအုပ်ချုပ်ပြီးနောက်(၁၂)နှစ်
ခန့်အကြာတွင်နန်းတက်ပွဲပြုလုပ်ခဲ့ကြောင်းသိရှိရသည်။ထိုသို့ပြုလုပ်ခြင်းမှာနန်းတက်ပွဲကျင့်
ပပြီးကာလမကြာမှီကံတော်ကုန်မည့်အကြောင်းမြင်သည်ဟူ၍ပုဏ္ဍားဖြူပုဏ္ဍားညိုတို့ကအ
ဟောရှိသောကြောင့်ဟုအဆိုရှိခဲ့သည်။
မန်နရိတ်သည်ယင်းမှတ်တမ်းကိုနန်းတက်ပွဲကျင့်ပပြီး(၁၅)နှစ်ခန့်အကြာတွင်မှရေးသားခဲ့
ကြောင်းသိရှိရသည်။သူ၏မှတ်တမ်းတွင်ဘုရားဆင်းတုနှင့်နတ်ရုပ်၊ဘုန်းကြီးနှင့်ပုဏ္ဍားတို့ကို
မကွဲပြားဘဲလွဲမှားရေးထားသည်ကိုလည်းတွေ့ ရှိရသည်။
မည်သို့ပင်ဖြစ်စေမန်နရိတ်၏မှတ်တမ်းသည်လွန်ခဲ့သောနှစ်ပေါင်း(၃၆၀)ခန့်ကစိုးစံခဲ့သော
ရခိုင်ဘုရင်များ၏နန်းတက်ပွဲအခမ်းအနားကိုတတ်နိုင်သမျှအသေးစိတ်ဖေါ်ပြထားသော
ကြောင်းရခိုင်နိုင်ငံ၏အတိတ်သမိုင်းကိုလေ့လာလိုက်စားသူ၊သုတေသနပြုနေသူများအတွက်
တန်ဖိုးမဖြတ်နိုင်သောမှတ်တမ်းတစ်စောင်ဖြစ်သည်ဟုယုံကြည်သည်။

(၁)တိုင်းပြည်သို့ ကြေငြာခြင်း။
ဘုရင်မင်းမြတ်၏ရာဇဘိသေကမင်္ဂလာသဘင်ဆင်ယင်ကျင့်ပမည့်အကြောင်းကိုလွန်ခဲ့သော
(၆)လခန့်ကပင်ပြည်သူအများသို့အသိပေးကြေငြာထားပြီးဖြစ်ရာဘိသိုက်ပွဲတော်မတိုင်မှီည
ချမ်းအချိန်တွင်ကားရွှေနန်းတော်ရင်ပြင်၌ကြီးမားသောအမြောက်လက်နက်များကိုအချက်
ပေါင်းများစွာပစ်ဖေါက်လျှက်ပြည်သူအများကြားသိစေရန်တရားဝင်ကြေငြာလိုက်လေသည်။
ထို့နောက်နန်းတော်ဆောင်ပြဿာဒ်အသီးသီးတို့၌ဆီမီးတနးဆောင်များထွန်းညှိ၍အထူးထူး
အပြားပြားသောတူရိယာတို့ဖြင့်တီးမှုတ်ဖြေဖျော်ကြလေသည်။
ပွဲတော်နေ့အာရုံမတက်မှီအချိန်တွင်ရွှေနန်းတော်အတွင်းရှိဆောင်နန်းဘုံမြင့်အသီးသီးတို့၌
အရောင်မျိုးစုံသောအလံတို့ဖြင့်တံခွန်ကုက္ကားများတလူလူစိုက်ထူထားသည်ကိုမြင်တွေရ၏။
ထို့နောက်တွင်ကားလွန်ခဲ့သောညဥ့်ကကဲ့သို့ပင်တူရိယာမျိုးစုံတီးမှုတ်သံများပေါ်ထွက်လာ
၏။တူရိယာသံများမှာပဋ္ဌမတွင်နှလုံးစိတ်ဝမ်းအေးချမ်းစေသောငြိမ့်ငြောင်းသာယာသည့်အ
သံများစွာကိုတီးမှုတ်ကြပြီးလျှင်နောက်ပိုင်းတွင်မူစိတ်ဓါတ်အားမာန်တက်ကြွစေသောသေ
နင်္ဂပျူဟာတူရိယာများကိုတီးမှုတ်ကြလေသည်။တချိန်တည်းလိုပင်နားကွဲလုမတတ်သော
အမြောက်သေနပ်သံများပေါ်ထွက်လာပြန်၏။နောက်များမကြာမှီအာရုဏ်ကျင်း၍မိုးစင်စင်
လင်းသောအခါတွင်ပြည်သူအပေါင်းတို့သည်ဝတ်ကောင်းစားလှများကိုဝတ်ဆင်ကြလျှက်မြို့
တော်လမ်းမများသို့အလျှိုလျိုအသကအသကထွက်လာကြရာမြင်ကွင်းတစ်ခုလုံးမှာပျော်ရွှင်
စရာအတိဖြစ်နေလေတော့၏။
မှူးမျိုးမတ်နွယ်များနှင့်ရာထူးဋ္ဌာနန္တရရှိထားသူများကရွှေနန်းတော်၌စုရုံးရောက်ရှိနေကြ
လေသည်။တူရိယာဂီတသံများဆူညံစွာတီးမှုတ်နေသည့်အကြားမှဆင်ကြီးတစ်ကောင်
ရောက်ရှိလာ၏။ထိုဆင်ကြီးအားကကြိုးတန်းဆာစုံလင်စွာဆင်ယင်ထားပြီးလျှင်အစွယ်နှစ်
ချောင်းတွင်လည်းအဖိုးတန်ကျောက်မျက်ရတနာများစီခြယ်ထားသောအစွယ်ခွေးများဖြင့်လှ
ပစွာကွပ်ထားလေ၏။ဆင်၏ကျောကုန်းပေါ်တွင်မူငွေသားဖြင့်ပြုလုပ်ထားသောဆင်ပေါင်းက
ကိုတင်၍ထားလေသည်။ဆင်ပေါင်းက၏မျက်နှာစာလေးဘက်တို့တွင်အကာအရံဟူ၍ရွှေ
ငွေတို့ဖြင့်ပြုလုပ်ထားသောအစိမ်းရောင်ကန့်လန့်ကာများထားရှိ၏။အထဲတွင်မူကျောက်မျက်
ရတနာမျိုးစုံစီခြယ်ထားသောရွှေလင်ပန်းတစ်ခုရှိပြီးလျှင်ရာဇဘိသေကမင်္ဂလာပွဲတော်ကြေ
ငြာချက်ပါဝင်သောဘုရင်မင်းမြတ်၏စာချွန်တော်ကိုလင်ပန်းပေါ်တွင်တင်၍ထားလေသည်။
ဆင်ပေါင်းက၏ရှေ့တွင်စစ်ကဲတစ်ဦးထိုင်လျှက်လိုက်ပါလာ၏။ထိုပုဂ္ဂြိုလ်သည်ရွှေပြားများကပ်
ထားသောအဖြူရောင်ဝတ်ရုံကိုဝတ်ဆင်ထား၏။၎င်း၏ရှေ့တွင်မူဆင်ထိန်းသည်မိမိ၏ထိုင်နေ
ကျနေရာ၌ထိုင်လျှက်ရှိလေသည်။ဆင်ထိန်းသည်အနီရောင်ပိုးဝတ်စုံကိုဝတ်ထားပြီးလျှင်သူ
၏လက်ထဲတွင်ချွန်းကိုကိုင်ထား၏။စစ်ကဲစီးလာသောဆင်၏နောက်တွင်စစ်ဆင်(၃၂)ကောင်
လိုက်ပါလာကြ၏။ထိုဆင်များအားလည်းရွှေငွေရတနာများဖြင့်ကကြိုးတန်းဆာဆင်ယင်ထား
ကြ၏။၎င်းတို့၏ကျော့ကုန်းပေါ်တွင်မူသစ်သားဖြင့်ပြုလုပ်၍ငွေပြားကပ်ထားသောဆင်ပေါင်း
ကများကိုတပ်ဆင်ထားလေသည်။ထိုဆင်များ၏လည်ပင်းတွင်ငွေခေါင်းလောင်းများဆွဲထား
ပြီးအစွယ်များတွင်မူငွေစွယ်ခွေးများစွပ်ထားလေသည်။
စစ်ဆင်များ၏ကျော့ကုန်းပေါ်မှဆင်ပေါင်းကအသီးသီးတို့တွင်ရောင်စုံပိုးသားအလံ(၄)ခုကျစီ
စိုက်ထူထားရာလေထဲတွင်အလံများတဖြတ်ဖြတ်လှုပ်ခတ်နေသောကြောင်း၎င်းတို့၏ပူအိုက်
သောခန္ဒာကိုယ်ကြီးများအားယပ်ခတ်ပေးနေသကဲ့သို့ရှိနေလေသည်။
အဆိုပါဆင်တန်းကြီးများအရှေ့မှဆင်တစ်ကောင်ပေါ်တွင်မူစည်တီးသမားစီး၍လိုက်ပါလာ
လေ၏။ဆင်ကိုပိုးသားဒွါဒရာများဖြင့်ဆင်ယင်ထားပြီးလျှင်စည်တီးသမားကမူအစိမ်းရောင်
ဝတ်စုံကိုဝတ်ဆင်ထား၏။စည်တီးသမားသည်စည်ကြီးကိုအဆက်မပြတ်တီးခတ်လျှက်ရှိ၏။
ယင်းတို့အားလုံး၏ပတ်ပတ်လည်တွင်ကားမြန်မာများ၊မဂိုများနှင့်ဥဿာပဲခူးသားများဖြင့်ဖွဲ
စည်းထားသောမြင်းသည်တော်(၆၀၀)တို့ကလိုက်ပါ၍လာကြ၏။မြင်းသည်တော်တို့သည်အ
ရောင်မျိုးစုံပိုးသားဝတ်စုံတို့ကိုဝတ်ဆင်ထားကြပြီးလျှင်၎င်းတို့၏မြင်းများကိုလည်းအလား
တူပင်ဆင်ယင်ထားကြ၏။ထိုအချိန်တွင်ပင်တူရိယာဂီတသံမျိုးစုံတို့ကိုစည်းဝါးညီညီဖြင့်တီး
မှုတ်ကြရာနားထောင်၍မငြိမ်းနိုင်အောင်ပင်ရှိလေတော့သည်။ယင်းဆင်တန်းမြင်းတန်းကြီး
တို့နောက်မှများပြားလှသောလူအုပ်ကြီးသည်တသီတတန်းကြီးလိုက်ပါလာကြသဖြင့်လမ်း
များကိုဖြတ်ကူး၍မရနိုင်အောင်ပင်ရှိနေတော့၏။
ယင်းသို့လျှင်ဆင်တပ်၊မြင်းတပ်နှင့်လူအုပ်လူတန်းကြီးသည်ဦးတည်ရာသို့ချီတက်သွားကြပြီး
နောက်မဏ္ဍပ်ကန္နားများထိုးထားသောနေရာသို့ရောက်လာခဲ့လေသည်။မဏ္ဍပ်များကိုလှပ
စွာမွမ်းမံပြင်ဆင်ထားကြသည့်အပြင်အဖိုးတန်ကောဇောကြီးများကိုလည်းခင်း၍ထားကြ၏။
ဤနေရာသို့ရောက်လာသောအခါဆူညံနေသောလူအုပ်ကြီးသည်ရုပ်ခြည်းငြိမ်သတ်သွား
ကြပြီးဂီတသံများလည်းပိတ်သွားလေတော့သည်။ထို့နောက်"ဘိသိက်ပွဲတော်ကြေငြာစာ
တမ်း"ကိုပြည်သူအများကြားသိအောင်ဖတ်ကြားလေတော့သည်။
ထို့နောက်ဂင်္ဂါမြစ်မှမြစ်ရေကိုခတ်ယူရန်အလှို့ငှါလှေမြန်တော်(၂)စင်းကိုစေလွှတ်လိုက်လေ
သည်။ဤခရီးမှာရခိုင်ပြည်မှ(၁၂)ရက်၊(၁၅)ရက်ခရီးဖြစ်၏။၎င်းတို့ကဂင်္ဂါမြစ်ကိုမြင့်မြတ်
သောမြစ်ဟူ၍ယုံကြည်ကြသည့်အတိုင်းရခိုင်ဘုရင်မှားကလည်းဂင်္ဂါမြစ်ရေဖြင့်ရှေးဦးစွာရေ
ချိုးသန့်စင်ပြီးမှသာလျှင်ဧကရာဇ်မင်းမြတ်၏သရဖူကိုခံယူထိုက်သည်ဟုယုံကြည်ကြ၏။

(၂)မင်းညီမင်းသားများအားဘိသိက်သွန်းပွဲ။
မြောက်ဥရွှေမြို့တော်နှင့်တကွရခိုင်ပြည်တ၀ှမ်းလုံးတွင်ဘိသိက်ပွဲတော်ကိုကြေငြာခဲ့ကြပြီး
နောက်(၆)လမြောက်သောအခါနိုင်ငံတ၀ှမ်းရှိမင်းညီမင်းသား၊မင်းမျိုးမတ်နွယ်များနှင့်ရာ
ထူးရာခံ၊ကလန်သံဗျင်း၊အားလုံးတို့သည်ရွှေနန်းတော်သို့စုရုံးရောက်ရှိလာကြလေသည်။
ဤနိုင်ငံမှဘုရင်များသည်မိမိကိုယ်တိုင်ဧကရာဇ်သရဖူကိုမခံယူမီမင်းညီမင်းသားမူးမျိုးမတ်
နွယ်(၁၂)ပါးတို့အားရှေးဥိးစွာဘိသိက်သွန်းပေးရိုးအစဉ်အလာရှိ၏။ဘိသိက်သွန်းပွဲများကို
(၂)ရက်တိုင်တိုင်ကျင့်ပပြုလုပ်ကြလေသည်။
ဘိသိက်ခံမည့်မင်းညီမင်းသားများသည်ထိုရက်များအတွင်းမြို့တော်တခွင်သို့ကုန်းကြောင်း
တစ်ကြိမ်၊ရေကြောင်းတစ်ကြိမ်၊(၂)ကြိမ်တိုင်တိုင်ခရီးထွက်လေ့ရှိကြရ၏။နိုင်ငံတော်၏ရာ
ထူးဂုဏ်သိရ်အကြီးမြင့်ဆုံးမင်းညီမင်းသားအများစုရောက်ရှိလာကြသောအခါဘုရင်မင်း
မြတ်သည်ဘိသိက်မင်္ဂလာစတင်ကျင်းပရန်အချိန်အခါကိုဆုံးဖြတ်ချက်ချမှတ်တော်မူလေ
သည်။သို့ဖြင့်တညဥ့်တာကုန်ဆုံး၍နေ့သစ်ဆန်းလာသောအခါအာရုဏ်တက်အချိန်တွင်
ခေါင်းလောင်းကြီးကိုအကြိမ်ပေါင်းများစွာတီးခတ်လျှက်မြောက်သေနပ်များလည်းပစ်ဖေါက်
ကြ၏။ထိုကာလသည်(၁)နာရီခန့်မျှကြလေသည်။
ယင်းကာလလွန်မြောက်ပြီးသောအခါအချက်ပြအထိမ်းအမှတ်အဖြစ်ဖြင့်ခေါင်းလောင်းထိုး
သံတချက်ထွက်ပေါ်လာပြန်၏။ထိုအချိန်တွင်ရခိုင့်နန်းတော်၌ရာထူးဋ္ဌာနန္တရရှိကြသောမင်း
ညီမင်းသားများမူးမျိုးမတ်နွယ်နှင့်စစ်သူကြီး၊စစ်ဗိုလ်စသူတို့သည်ရွှေနန်းတော်ကြီး၏ခန်းမ
ဆောင်အတွင်း၌တစုတဝေးတည်းစုရုံးကြလေ၏။ရွှေနန်းတော်ခန်းမဆောင်ကြီးမှာကျယ်
ဝန်းသည်နှင့်အမျှကြမ်းခင်းမှမျက်နှာကြက်မကျန်အဖိုးတန်ကျောက်မျက်ရတနာပိုးဖဲကတ္တီ
ဘာတို့ဖြင့်အဆန်းတကြယ်အလှချယ်ထားသဖြင့်ရှုမ၀အောင်ပင်ကြက်သရေရှိလှပေသည်။
ခန်းမဆောင်ကြီး၏အလည်တည့်တည့်တွင်ခန်ဲးမင့်တံခါးပေါက်ကြီးတခုရှိ၍ယင်းတံခါးပေါက်
အပေါ်မှအဖြူရောင်ကတ္တီဘာသားကိုမဏ္ဍပ်သဖွယ်မိုးလျှက်ထားလေသည်။ကတ္တီဘာသား
ပေါ်တွင်လည်းအပြာရောင်နီလာပွင့်ကြီးများစီခြယ်ထားသောရွှေကြယ်ပြားများကိုကွပ်ထား
လေ၏။ကတ္တီဘာအမိုး၏ဘေးဘက်လေးတန်အစွန်အဖျားများတွင်လည်းရွှေပန်းဖွားများပြု
လုပ်ထားရှိပြီးလျှင်ဖြူဖွေးလှပသောပုလဲလုံးကလေးများကိုအစီအရီသီကုံး၍ထား၏။
ဤအပြင်အဆင်သည်တံခါးပေါက်ပေါ်မှတွဲလောင်းချထားသောအလားတူအဖိုးတန်ကတ္တီ
ဘာသားနှင့်အလွန်ပင်လိုက်ဖက်လှပေ၏။
တံခါးပေါက်အတွင်းဘက်တွင်ကားအလွန်နုညံ့လှပသောရွှေဇာလွှာကိုကန့်လန့်ကာသဖွယ်
ကာထားလေသည်။ခန်းမဆောင်ထဲမှစင်မြင့်ပေါ်တါင်မူရွှေကြိုးများဖြင့်ကြက်ထားသောစည်
ကြီးတစ်လုံးကိုတင်၍ထားလေ၏။ဤသို့သောပွဲတော်မျိုးတော်စည်တီးသမားသည်သူ၏တာ
ဝန်ကိုဝတ္တရားမပျက်အောင်ဆောင်ရွက်ရသည်မှာလည်းအစဉ်အလာတစ်ရပ်ပင်ဖြစ်သည်။
သတ်မှတ်ထားသောအျိန်သို့ရောက်၍စည်တီးသမားသည်စည်ကြီးကိုနောက်ဆုံးတချက်တီး
ခတ်လိုက်ချိန်တွင်ပဆစ်ဒူးတုတ်ထိုင်နေကြသောပရိသတ်အားလု့းတို့သည်ရှိခိုးဦးတင်အရို
အသေပြုကြပြီးနောက်မတ်တပ်ရပ်၍နေရာယူကြလေသည်။
ထိုအချိန်တွင်ဘုရင်မင်းမြတ်သည်ရွှေနှင့်ပုလဲများဖြင့်စီခြယ်ရက်လုပ်ထားသောမြစိမ်းရောင်
ဝတ်ရုံတော်ကိုဝတ်ဆင်ကာခန်းမဆောင်အတွင်းသို့ကြွမြန်းတော်မူလာလေသည်။ဘုရင်မင်း
မြတ်၏လည်ပင်းတွင်အဖိုးတန်ပုလဲကုံးများကိုတစ်ရစ်ပြီးတစ်ရစ်ဆင့်ကာဆင့်ကာဝတ်ထား
ပြီးလျှင်လင်္ကျာဘက်တွင်မူရွှေယပ်ကိုကိုင်ဆောင်ထား၏။ရွှေယက်တွင်အစိမ်းရောင်မြများ
ကိုကွပ်ကြားကွပ်ကြားစီချယ်ထားသဖြင့်ဘုရင်မင်းမြတ်၏၀တ်ရုံတော်အရောင်နှင့်အလွန်တ
ရာပင်လိုက်ဖက်တင့်တယ်လှပေသည်။
ထို့နောက်ဘုရင်မင်းမြတ်သည်ငွေလှေကားထစ်(၆)ဆင့်ရှိသောပလ္လင်ပေါ်မှငွေသလွန်ပေါ်၌
ထိုင်တော်မူလေသည်။သလွန်တဖက်တချက်တွင်သားမွှေးယပ်ကိုကိုင်ဆောင်ထားကြသော
အပျော်တော်ကလေးတို့နှစ်ဦးရပ်လျှက်ဘုရင်မင်းမြတ်အားညင်သာစွာဖြင့်ယပ်ခတ်ပေး၍နေ
ကြလေသည်။ရာဇပလ္လင်ပတ်လည်တွင်အ၀ါရောင်ဝတ်ရုံတို့ကိုဝတ်ထားပြီးဒေါက်ချာဆောင်း
ထားသောပုဏ္ဍား(၃၀)ရပ်လျှက်ရှိကြလေသည်။ပလ္လင်ပေါ်တွင်ဘုရင်မင်းမြတ်ထိုင်တော်မူပြီး
သောအခါဆိုင်းဝိုင်း(၃)၀ိုင်းမှတူရိယာမျိုးစုံးဖြင့်တီးမှုတ်ဖြေဖျော်ကြလေသည်။တူရိယာများ
နှင့်တွဲဘက်လျှက်တေးသီချင်းမျိုးစုံတို့ကိုလည်းသာယာနာပျော်ဘွယ်သီဆိုကြလေ၏။သို့ရာ
တွင်ရခိုင်ဘာသာ၊မြန်မာဘာသာဖြင့်၊မွန်ဘာသာတို့ဖြင့်အလှည့်အလှယ်ကျစီသီဆိုကြသော ကြောင်းဤမျှအဆင့်အတန်းမြင့်မားသောဝေါဟာရများကိုအကျွန်ုပ်သည်လုံးဝနားမလည်
နိုင်အောင်ဖြစ်ရလေ၏။
တေးဂီတတို့ဖြင့်တနာရီခန့်မျှဖြေဖျော်ကြပြီးသောအခါချောမောလှပသောအပျော်တော်က
လေး(၂၄)ယောက်ဝင်ရောက်လာလေသည်။သူတို့သည်အစိမ်းရောင်နှင့်အဖြူရောင်ဝတ်ရုံ
တို့ကိုဝတ်ဆင်၍ခေါင်းပေါ်တွင်စီးပုံများဆောင်း၍ထားကြလေသည်။သူတို့၏လက်ထဲတွင်
မူတူရိယာအမျိုးမျိုးတို့ကိုကိုင်ဆောင်ထားကြပြီးလျှင်တခါတရံနှစ်စုခွဲ၍သော်လည်းကောင်း
တခါတရံတစ်စုတပေါင်းတည်းသော်လည်းကောင်းတီးရင်းမှုတ်ရင်းဆန်းပြားကျွမ်းကျင်စွာ
သီဆိုကခုန်နေကြသည်မှာအလွန်တရာကြက်သရေရှိလှ၏။
ကချေသည်အပျော်တော်ကလေးများပြန်ထွက်သွားပြီးသောအခါဂီတသံများသည်မမြင်ရ
သောနေရာများမှပေါ်ထွက်၍လာပြန်လေသည်။ဂီတသံများနှင့်အတူအဖြူရောင်ဝတ်ဆင်
ထားသောအပျိုတော်ကလေး(၁၂)ယောက်ဝင်ရောက်လာပြန်လေ၏။သူတို့၏လည်ပင်းတွင်
ရွှေကြိုးများနှင့်ပုလဲကြိုးများကိုထပ်ကာထပ်ကာဆွဲထားကြပြီးလျှင်ခေါင်းပေါ်တွင်လည်းရွှေ
ပန်းကုန်းငွေပန်းကုန်းများဖြင့်အရောင်မျိုးစုံပိုးသားပန်းပွင့်များကိုပန်ဆင်၍ထားကြလေ၏။
အပျိုကလေးအသီးသီးတို့၏လက်ထဲတွငလည်းရွှေသရဖူတစ်ခုစီကိုကိုင်ဆောင်၍ထားကြ
လေသည်။
ထို့နောက်အနီရောင်ကတ္တီဘာဝတ်ရုံပွကြီးများကိုဝတ်ဆင်ထားကြပြီးလျှင်လက်ထဲတွင်ငွေ
တောင်ဝှေးကိုယ်စီကိုင်ထားကြသောအဘိုးအို(၁၂)ယောက်ဝင်ရောက်၍လာကြလေသည်။
အဆိုပါအပျိုတော်ကလေး(၁၂)ယောက်တို့သည်ဘုရင်မင်းမြတ်အားရှိခိုးဦးတင်တစ်ကြိမ်စီ
ပြုကြပြီးလျှင်ပလ္လင်အနီးသို့ကပ်သွားကြပြီးနောက်၎င်းတို့၏လက်ထဲမှသရဖူများကိုဘုရင်မင်း
မြတ်၏ခြေတော်ရင်း၌အသိးသီးချထားလိုက်ကြလေသည်။ထို့နောက်ဘုရင်မင်းမြတ်၏ခြေ
အစုံကိုဥိးတိုက်ရှိခိုးကြပြီးနောက်ခန်းမဆောင်အတါင်းထဲမှပြန်လည်ထွက်ခွါ၍သွားကြလေ
သည်။နောက်ထပ်အပျော်တော်ကလေး(၁၂)ယောက်တို့သည်ယခင်ကအတိုင်းပင်ဝတ်စား
ဆင်ယင်၍၀င်ရောက်လာပြန်၏။သို့ရာတွင်သူတို့၏လက်ထဲ၌ကိုင်ဆောင်၍လာကြသောအ
ရာများမှာယခင်အပျိုတော်ကလေးများကဲ့သို့သရဖူများမဟုတ်မူဘဲရွှေဖြင့်ပြုလုပ်ထားသော
ရာဇလှံတံများသာဖြစ်၏။သူတို့သည်ထိုရာဇလှံတံများကိုယခင်အတိုင်းပင်ဘုရင်မင်းမြတ်၏
ခြေတော်ရင်း၌ချထားလိုက်ကြလေသည်။
ထို့နောက်ချက်ချင်းပင်ဘိသိက်ခံမည့်မင်းသားဝင်ရောက်၍လာလေသည်။သူ၏အမည်မှာ
မှာထွန်တုံးစားဖြစ်၏။သူကားအလွန်ရုပ်ရည်ချောမော့သောမင်းပျိုမင်းလွင်တစ်ဦးပင်ဖြစ်
၏။ငွေချည်ထိုးအနီရောင်ကတ္တီဘာဝတ်ရုံကိုဝတ်ထား၏။ခေါင်းပေါ်တွင်မူရိုးရိုးခေါင်းပေါင်း
ကိုသာပေါင်းထား၏။ဤမင်းသားကလေး၏ရှေ့တွင်ငယ်ကျွန်တော်(၄၀)ယောက်တို့ကအ
လျှင်ဝင်ရောက်လာကြလေ၏။ရုပ်ရည်ချော့မော့သောလူငယ်များပင်ဖြစ်ကြ၏။အပြာနှင့်အ
ဖြူဝတ်စုံများကိုဝတ်ဆင်၍ခေါင်းပေါ်တွင်လည်းအပြာနှင့်အဖြူရိုးရိုးအုပ်ပေါင်းများကိုသာပင်
ပေါင်းထားကြလေသည်။
ဤမင်းသားကလေး၏ရှေ့တွင်ငယ်ကျွန်တော်(၄၀)တို့ကအလျှင်ဝင်ရောက်လာကြလေ၏။
ရုပ်ရည်ချော့မော့သောလူငယ်များဖြစ်ကြပေသည်။အပြာနှင့်အဖြူဝတ်စုံတို့ကိုဝတ်ဆင်ထား
ကြ၍ခေါင်းပေါ်တွင်လည်းအပြာနှင့်အဖြူရိုးရိုးအုပ်ပေါင်းများကိုပေါင်းထားကြလေသည်။
မင်းသားငယ်လည်းဘုရင်မင်းမြတ်မြင်နိုင်လောက်သည့်နေရာသို့ရောက်လာသောအခါ
ရိုသေလှစွာဖြင့်ဝပ်တွားရှိခိုးလိုက်လေ၏။ထို့နောက်သူသည်မတ်တပ်ရပ်လိုက်ပြီးနောက်ရှေ့
သို့အနည်းငယ်လျှောက်သွားလျှက်ထပ်မံဝတ်တွားရှိခိုးလိုက်လေသည်။
ထိုအချိန်တွင်ပလ္လ္လင်ပတ်လည်တွင်ရပ်လျှက်ရှိသောပုဏ္ဍားများအနက်မှပုဏ္ဍား(၄)ယောက်
တို့သည်မင်းသားငယ်အားဝတ်တွားနေရာမှထူပေးပြီးလျှင်တယောက်တဘက်စီတွဲလျှက်
ပလ္လင်လှေကားရင်းအထိခေါ်သွားကြလေ၏။မင်းသားငယ်သည်ဤနေရာတွင်လည်းဘုရင်
မင်းမြတ်းအားဦးတိုက်လျှက်အကြိမ်ကြိမ်ရှိခိုးလေသည်။ထို့နောက်ပုဏ္ဍားများသည်မိမိတို့၏
နေရာအသီးသီးသို့ပြန်လာကြလေသည်။ထို့နောက်စည်တီးသံပေါ်ထွက်လာပြီးတခန်းလုံး
ငြိမ်သက်သွားလေ၏။ဤတွင်အ၀ါရောင်ကတ္တီဘာဝတ်ရုံဖြင့်ပုဏ္ဍား(၄)ယောက်ဝင်ရောက်
လာကြလေသည်။အလယ်မှပုဏ္ဍား၏လက်ထဲတွင်ရွှေဖြင့်ထုလုပ်ထားသောနတ်ရုပ်တခုကို
ကိုင်ထားလေသည်။ထိုရုပ်တုမှာ၁၂လက်မခန့်မြင့်၍ခေါင်းပေါ်တွင်ပန်းကုံးတကုံးကိုပန်ဆင်
၍ထားလေသည်။
ပလ္လ္လ္လင်အနီးသို့ပုဏ္ဍား(၃)ယောက်ရောက်လာသောအခါဘုရင်မင်းမြတ်သည်သလွန်ပေါ်မှ
ဆင်း၍ဘေးတွင်ရပ်နေလိုက်၏။ထိုအခါရုပ်တုကိုင်ထားသောပုဏ္ဍားသည်ဘုရင်မင်းမြတ်၏
နေရာတွင်ဝင်ရောက်ထိုင်လိုက်လေသည်။ထို့နောက်တွင်အခြားပုဏ္ဍား(၂)ယောက်တို့သည်
မင်းသားငယ်ဝတ်တွားရှိခိုးနေသည့်နေရာသို့လျှောက်လာပြီးနောက်မင်းသားငယ်အားထူမ
ပေးလျှက်ပလ္လင်ထိပ်သို့ခေါ်ဆောင်သွားလေသည်။ပလ္လင်ပေါ်သို့ရောက်သွားသောအခါမင်း
သားငယ်သည်ခုနှစ်ကြိမ်တိတိဦးညွတ်ရှိခိုးပြီးနောက်ပုဏ္ဍားလက်ထဲမှရုပ်တုကိုယူပြီးလျှင်
မိမိ၏ခေါင်းပေါ်သို့တင်လိုက်လေသည်။
ထို့နောက်သူသည်ပလ္လ္လ္လ္လင်ရှေ့တွင်ဒူးတုပ်လျှက်ပုဏ္ဍားကြီးတိုင်ပေးသည့်အတိုင်းတစုံတရာကို
အသံကျယ်စွာဖြင့်လိုက်၍ရွက်ဆိုလေသည်။ဤသည်ကားမင်းသားငယ်သည်မိမိ၏အရှင်သ
ခင်ဘုရင်မင်းမြတ်အပေါ်တွင်သစ္စာစောင့်သိပါမည်ဟူ၍နတ်ရုပ်တုကိုသက်သေပြုလျှက်
သစ္စာအဓိဌာန်ကျိန်ဆိုခြင်းပင်ဖြစ်သည်။ယင်းသို့သစ္စာပြုပြီးသောအခါမင်းသားငယ်သည်
ထပ်မံ၍ဦးညွတ်ရှိခိုးပြန်၏။ထို့နောက်ပုဏ္ဍားကြီးသည်မင်းသားငယ်ထံမှနတ်ရုပ်ကိုပြန်ယူ
ပြီးနောက်ဖေါ်ပုဏ္ဍား(၂)ယောက်နှင့်အတူပလ္လင်ပေါ်မှပြန်၍ဆင်းလာခဲ့၏။
ဤတွင်ဘုရင်မင်းမြတ်သည်မူလနေရာတွင်ပြန်ထိုင်တော်မူလေသည်။ထို့နောက်ပုဏ္ဍားတ
ယောက်သည်ဘုရင်မင်းမြတ်၏လက်ျာဘက်တွင်ရပ်ပြီးလျှင်ဘုရင်မင်းမြတ်အားတ၀က်၊ရွှေ
နန်းတော်ပရိသတ်များအားတ၀က်မျက်နှာမူလျှက်အောက်ပါအမိန့်တော်ပြန်တမ်းကိုအသံ
ကျယ်လောင်စွာဖြင့်ဖတ်ကြားကြေငြာလေသည်။
"ဆင်ဖြူတော်သခင်လည်းဖြစ်တော်မူသော၊ပဲခူးနှင့်မြန်မာပြည်တို့ကိုလည်းဆက်ခံပိုင်ဆိုင်
ခွင့်ရှိတော်မူသော၊ဘင်္ဂလား(၁၂)ပြည်ထောင်မင်းအပေါင်းတို့၏ဦးညွတ်ရာအရှင်သခင်
လည်းဖြစ်တော်မူသော၊ရေမြေ့သနင်းဧကရာဇ်မင်းလည်းဖြစ်တော်မူသော၊ရခိုင့်ပြည့်ရှင်
ဆလင်ရှား(သီရိသုဓမ္မရာဇာ)အမည်တွင်သောဘ၀ရှင်မင်းမြတ်ဘုရား"
"ကျွန်ုပ်တို့၏ဦးထိပ်သခင်ဘုရင်ဧကရာဇ်မင်းမြတ်ဖြစ်တော်မူသော၊အရှင်မင်းမြတ်သည်၊ဤ
ကမ္ဘာမြေပြင်ရှိမင်းအပေါင်းတို့ထက်ဘုန်းတန်ခိုးအာဏာစက်ထက်မြတ်ထွန်းတောက်နိုင်ပါ
စေသတည်း။"
"ဦးရာဇ်တောင်ဘုရင်အဖြစ်ဖြင့်အရှင်မင်းမြတ်၏ရွှေဖ၀ါးတော်အောက်၌ဦးညွတ်ပြီးလျှင်အ
ရှင်ဘုရား၏သစ္စာတော်ကိုခံယူနိုင်စိမ့်သောငှါဤနေ့ဤရက်၌အကျွန်ုပ်သည်ဤရွှေသရဖူမ
ကိုဋ်တော်ကိုထွန်တုံးစား၏ဦးခေါင်းပေါ်တွင်ဆောင်းပေးခြင်းဖြစ်ပါသည်အရှင်ဘုရား။"
ဤပြန်တမ်းကိုဖတ်ကြားပြီးလျှင်ပြီးချင်းပုဏ္ဍား(၂)ယောက်သည်ရှေ့သို့ထွက်လာပြီးလျှင်သ
ရဖူတခုနှင့်ရာဇလှံတံတခုတို့ကိုယူလျှက်ဘုရင်မင်းမြတ်၏ခြေတော်ရင်း၌ချထားလိုက်ကြ
လေသည်။ထို့နောက်၎င်းတို့သည်ဘိသိက်ခံဘုရင်သစ်ရှိရာသို့လျှောက်လာကြပြီးလျှင်၎င်း
အားဝတ်တွားရှိခိုးနေရာမှထစေ၍ဘုရင်မင်းမြတ်ရှေ့တော်မှောက်သို့ခေါ်၍ဆောင်သွားကြ
လေသည်။ပြီးလျှင်ပုဏ္ဍားများက၎င်းအားဒူးထောက်ထိုင်စေ၏။
ပုဏ္ဍားတယောက်ကသရဖူကိုကောက်ယူကာဘုရင်မင်းမြတ်၏လက်ထဲသို့ကမ်းပေးလိုက်
လေ၏။ဘုရင်မင်းမြတ်သည်သရဖူကိုဘိသိက်ခံဘုရင်၏ဦးခေါင်းပေါ်တွင်ဆောင်းပေးလိုက်
လေသည်။ထို့နောက်အခြားပုဏ္ဍားတယောက်ကရာဇလှံတံကိုကောက်ယူလျှက်ဘုရင်မင်း
မြတ်အားဆက်သလိုက်ရာဘုရင်မင်းမြတ်သည်အဆိုပါရာဇလှံတံကိုလည်းဘိသိက်ခံဘုရင်
အားပေးအပ်တော်မူလေသည်။
ဘုရင်သစ်သည်သရဖူကိုဦးခေါင်းပေါ်တွင်ဆောင်းလျှက်ရာဇလှံတံကိုလက်ဝဲလက်တွင်
ကိုင်ပြီးလျှင်ဘုရင်မင်းမြတ်၏ခြေအစုံကိုငါးကြိမ်တိတိဦးတိုက်ရှိခိုးလေတော့သည်။ဤအပြု
အမူကားမိမိအားဘိသိက်သွန်း၍ဘုရင်ဖြစ်အောင်ကျေးဇူးပြုခဲ့သောပုဂ္ဂြိုလ်အားမိမိ၏အရှင်
သခင်အဖြစ်အသိအမှတ်ပြုကြောင်းသက်သေပြလိုက်သောအပြုအမူပင်ဖြစ်ပေသည်။
ဤနောက်ဆုံးအခန်းအနားပြီးဆုံးသွားသောအခါတွင်စည်တီးသံသုံးချက်ပေါ်ထွက်လာပြီး
နောက်ပရိသတ်အားလုံးကဘုရင်မင်းမြတ်အားရှိခိုးဦးတိုက်လိုက်ကြလေသည်။ထိုအချိန်
တွင်ကန့်လန့်ကာများကျလာပြီးဘုရင်မင်းမြတ်လည်းခန်းမဆောင်မှပြန်လည်ထွက်ခွါသွား
လေတော့သည်။

(၃)မြို့တွင်းလှည့်လည်ပွဲနှင့်စားသောက်ပွဲ။ဆက်ရန်ရှိသည်.....
voiceofrakhine