လောကမှာ
ကဗျာရွီးဖို့
အမင် မွီးပီးခရေ ငါ --။

ယုံကြည်ချက်
ခံယူချက်တွက်
အသက်သီဖို့ မကြောက်တေ ငါ --။

ကာလသန်းခေါင်
အမှောင်ထုအောက်
ထိုးဖောက်ရုန်းကန်
ရှင်သန်ထမြောက်
ပန်းတိုင်ရောက်အောင်လားဖို့ ငါ --။

ကဗျာတပုဒ်
စာတအုပ်
ကိုင်ဆုပ်ဖက်လျှက် သွီးအသက်လေ
ချေဂွေဗားရား ဖူးချစ်အားပ
တရားတဖက် ဓါးတလက်နန့်
နက်ဖန်များစွာ မဟာအနာဂါတ်
မြင့်မြတ်သည့်လမ်း ခရီးကြမ်းကို
ဖြတ်သန်းဝံ့ရဲ လျှေက်မြဲငါ --။

(မင်းပြားမောင်ယုနွယ်)
ရခိုင်မဂ္ဂဇိန်းအမှတ် (၂၅) စာမျှက်နှာ (၂၀)